Իսրայելը կպատասխանի ամբողջ ուժով. Նեթանյահու
Իսրայելի վարչապետ Բենիամին Նեթանյահուն հրեական պետության հյուսիսում գտնվող Դով լեռան վրա շիայական «Հեզբոլլահ» շարժման զինյալների հրթիռակոծությունը հրադադարի կոպիտ խախտում է անվանել և խոստացել է «վճռական» պատասխան տալ արմատականների գործողություններին։ Այս մասին գրում է ТАСС–ը:
««Հեզբոլլահի» կողմից Դով լեռան շրջանի հրետակոծությունը հրադադարի կոպտագույն խախտում է, և Իսրայելը կպատասխանի վճռականորեն և ամբողջ ուժով»,- ասել է Նեթանյահուն։
Վարչապետի հայտարարությունը տարածել է նրա գրասենյակը։
