Գեղամ Նազարյանը հեռանում է «Հայաստան» խմբակցությունից
Գեղամ Նազարյանը հեռանում է «Հայաստան» խմբակցությունից։ Այս մասին տեղեկանում ենք խմբակցության հայտարարությունից։
«Վերջին շրջանում պատգամավոր Գեղամ Նազարյանի դիրքորոշումները տարբերվում են խմբակցության քաղաքական ուղեգծից ու առաջնահերթություններից։
Այս իրավիճակում Գեղամ Նազարյանի հետագա գործունեությունը խմբակցության կազմում դառնում է անհնար»,- նշված է հայտարարության մեջ։
Նշվում է, որ խմբակցության նիստում տեղի ունեցած քննարկման արդյունքում պատգամավորին առաջարկվել է դուրս գալ խմբակցությունից, վերջինիս որոշմանը թողնելով որպես անկախ պատգամավոր գործելու ընտրությունը։ Նա համաձայնել է։
