Վտանգավոր իրավիճակ․ դա ցույց է տալիս պատերազմի էսկալացիայի վտանգը․ Օրբան

Ուկրաինայում ամերիկացի և եվրոպացի զինվորականների մահվան փաստերը վկայում են հակամարտության սրման և տարածման վտանգի մասին։ Այս մասին հայտարարել Է Հունգարիայի վարչապետ Վիկտոր Օրբանը:

«Մենք շատ վտանգավոր իրավիճակում ենք, քանի որ այժմ Ուկրաինայում կարող են զոհվել ամերիկացիներ կամ արևմտյան եվրոպացիներ, որոնք ունեն զինվորականի կարգավիճակ, դա արդեն տեղի է ունեցել և լավ է ցույց տալիս պատերազմի էսկալացիայի և տարածման վտանգը», - ասել է Օրբանը։

Ռուսաստանի ԱԳՆ պաշտոնական ներկայացուցիչ Մարիա Զախարովան ավելի վաղ հայտարարել էր, որ Արևմուտքն իրեն ամրապնդել է ուկրաինական հակամարտության կողմի կարգավիճակում՝ վարձկաններ ուղարկելով ռազմական գործողություններին մասնակցելու համար: Ռուսաստանի արտգործնախարար Սերգեյ Լավրովը հնարավոր է համարել, որ մի շարք երկրներ վարձկանների անվան տակ Ուկրաինայի տարածք են ուղարկում իրենց կադրային զինվորականներին: