Իրանի ԱԳՆ-ն` Սիրիայում տեղի ունեցող իրադարձությունների մասին
Իրանի արտգործնախարարության խոսնակ Էսմայիլ Բաղային, մեկնաբանելով Սիրիայի վերջին երկու օրերի իրադարձությունները, զգուշացրել է Սիրիայում թաքֆիրական ահաբեկիչների գործունեության վերսկսման մասին և կոչ է արել վճռական և համակարգված գործողություններ ձեռնարկել՝ կանխելու ահաբեկչության տարածումը տարածաշրջանում։ Այս մասին հայտնում է IRNA-ն:
«Աստանայի գործընթացի երաշխավոր երեք երկրների (Իրան, Թուրքիա և Ռուսաստան) միջև առկա պայմանավորվածությունների համաձայն, Հալեպի և Իդլիբի ծայրամասերը համարվում են դեէսկալացիայի գոտիներ, և ահաբեկչական խմբավորումների հարձակումն այդ տարածքների վրա համարվում է պայմանավորվածությունների կոպիտ խախտում»,- ասել է Էսմայիլ Բաղայինը:
Բաղայը խստորեն դատապարտել է ահաբեկչության բոլոր ձևերն ու դրսևորումները և վերջին երկու օրերին Սիրիայում ահաբեկչական խմբավորումների տեղաշարժերն անվանել է որպես Արևմտյան Ասիայի տարածաշրջանը ապակայունացնելու՝ ահաբեկչական ռեժիմի և ԱՄՆ-ի չարաբաստիկ ծրագրի մաս:
«Սիրիայում ահաբեկչական շարժումների դեմ պայքարի ցանկացած հետաձգում կվտանգի վերջին տարիներին ահաբեկչության դեմ պայքարում ձեռք բերված բոլոր ձեռքբերումները և կստիպի տարածաշրջանին մտնել նոր դարաշրջան, ինչպես նաև կառաջացնի անապահովություն և անկայունություն»,- զգուշացրել է Իրանի ԱԳՆ խոսնակը:
