Հայաստանի համար դռները «բաց են». Պուտինի օգնական
Ռուսաստանը հարգում է Հայաստանի անկախ կուրսը, որը դադարեցրել է իր ակտիվ մասնակցությունը ՀԱՊԿ-ում. Այնուամենայնիվ, Երևանը շարունակում է անդամակցել կազմակերպությանը, և ՀԱՊԿ բոլոր միջոցառումների դռները «բաց են» նրա համար: Այս մասին ճեպազրույցում ասել է ՌԴ նախագահի օգնական Յուրի Ուշակովը։
«Մենք կասկածի տակ չենք դնում մեր հայ գործընկերների՝ իրենց ուղին ինքնուրույն որոշելու իրավունքը»,- ասել է դիվանագետը։
«Դե յուրե, Երևանը մնում է ՀԱՊԿ-ի լիիրավ անդամ և այդպիսով պահպանում է բոլոր համապատասխան իրավունքներն ու պարտականությունները»,- ասել է նա։
«ՀԱՊԿ-ում աշխատանքին Հայաստանի ֆիզիկական վերադարձի դռները բաց են, և մենք հույս ունենք, որ վաղ թե ուշ Հայաստանի ներկայացուցիչները կվերսկսեն համագործակցությունն այս կազմակերպության շրջանակներում»,- եզրափակել է Ուշակովը։
