Խամենեին անդրադարձել է Նեթանյահուի ձերբակալության օրդերին
Իրանի հոգևոր առաջնորդ Յաթոլլա Ալի Խամենեին «ամբողջ երկրի բասիջիների» հետ հանդիպման ժամանակ իր ելույթում նշել է. «Ռազմական հանցագործությունների համար Նեթանյահուին կալանավորելու հրամանը բավարար չէ, նա պետք է մահապատժի դատապարտվի»:
«Թշնամին Գազայում և Լիբանանում չի հաղթել, սա ռազմական հանցագործություն է: Մարդկանց տները ռմբակոծելը հաղթանակ չէ: Հիմարները չպետք է մտածեն, որ հաղթել են, քանի որ ռմբակոծել են տներ, հիվանդանոցներ և հանդիպումներ»,- հավելել է նա:
Միջազգային քրեական դատարանը (ՄՔԴ) վերջերս Իսրայելի վարչապետ Բենիամին Նեթանյահուի ձերբակալության օրդեր է տվել։
