SMS–ով, բայց ոչ կիրակի ուշ երեկոյան. Փաշինյանը՝ «գրավոր ազատումների մասին»

Նիկոլ Փաշինյանը հաստատել է, որ պաշտոնյաներին գրավոր տեքստով է խնդրել հրաժարական տալ, կիրակի օրը, բայց ոչ ուշ երեկոյան: Այս մասին նա խոսել է Հանրայինի եթերում հարցազրույցի ժամանակ: 

«Բանավոր խոսակցությունը վատ չէ, բայց բանավոր խոսաակցության շուրջ կարող են լինել շատ լայն մեկնաբանություններ, տարընթերցումներ։ Իսկ իմ փորձը ցույց է տալիս, որ այնտեղ, որտեղ խոսակցությունը գրավոր է, այդ խոսակցությունն ավելի արդյունավետ է և հետագա տարընթերցումների տարածքը՝ ավելի քիչ»,– ասել է նա։


Իր խոսքով՝ պաշտոնանկությունները եղել են ոչ թե անձնավորված, այլ  համակարգային:

«Դրանք իրենց բնույթով ոչ թե կոնֆլիկտային են, այլ՝ աշխատանքային»,– ասել  է նա: