Մեծ Բրիտանիան՝ ՌԴ տարածքին Storm Shadow հրթիռով հարվածի մասին

Մեծ Բրիտանիայի վարչապետ Քիր Սթարմերի պաշտոնական ներկայացուցիչը հրաժարվել է մեկնաբանել ԶԼՄ-ների այն տեղեկությունները, թե բրիտանական հեռահար Storm Shadow հրթիռները, իբր, առաջին անգամ օգտագործվել են Ռուսաստանի Դաշնության խորքերը հարվածելու համար, չորեքշաբթի գրում է Guardian թերթը:

Ավելի վաղ Bloomberg գործակալությունը, հղում անելով արևմտյան պաշտոնյային, հայտնել էր, թե Ուկրաինան առաջին անգամ օգտագործել է բրիտանական հեռահար Storm Shadow հրթիռները՝ Ռուսաստանի տարածքի խորքերը հարվածելու համար։

Նշվում է, որ Սթարմերի խոսնակն ասել է, որ վարչապետի գրասենյակը չի մեկնաբանի զեկույցները կամ օպերատիվ հարցերը, սակայն Guardian-ը հայտնում է, որ բրիտանական հրթիռներ իսկապես օգտագործվել են։

Չորեքշաբթի օրը Times թերթը, հղում անելով բրիտանական կառավարության աղբյուրներին, հաղորդել է, որ ակնկալվում է, որ ԱՄՆ-ն Ուկրաինային թույլ կտա օգտագործել բրիտանական հեռահար Storm Shadow հրթիռները ռուսական տարածքի խորքերը հարվածելու համար, քանի որ Վաշինգտոնն այլևս այս հարցում որևէ առարկություն չունի: