Ինչ վայրի կենդանիներ է նվիրել Պուտինը Հս. Կորեային

Ռուսաստանի նախագահ Վլադիմիր Պուտինը Հս. Կորեային նվիրել է ավելի քան 70 կենդանի, այդ թվում՝ առյուծ և երկու արջ։ Այս մասին հայտնում է Interfax-ը։

Մոսկվայի կենդանաբանական այգուց Փհենյանի կենդանաբանական այգի են տեղափոխվել աֆրիկյան առյուծ, երկու գորշ արջ, երկու ընտանի յակ, հինգ սպիտակ կակադու, տարբեր տեսակի 25 փասիան և 40 բադ։

 «Միջպետական ​​հարաբերություններում կենդանիները պատմականորեն կարևոր տեղ են գրավել՝ ի նշան աջակցության, բարության և հոգատարության», - ասել է Ռուսաստանի բնական պաշարների և բնապահպանության նախարար Ալեքսանդր Կոզլովը։