«Անընդունելի արտահայտություններ»․ Ադրբեջանի դեսպանին կանչել են Ֆրանսիայի ԱԳՆ
Ֆրանսիայում Ադրբեջանի դեսպանը կանչվել է Ֆրանսիայի ԱԳՆ՝ կապված Բաքվում ՄԱԿ-ի COP29 կլիմայական խորհրդաժողովում Ֆրանսիայի և Նիդեռլանդների անդրծովյան տարածքներում «նեոգաղութատիրության» խնդրի վերաբերյալ ադրբեջանական իշխանությունների հայտարարությունների հետ։ Այս մասին ասվում է հաղորդագրության մեջ, որը հրապարակվել է գերատեսչության կայքում:
Ավելի վաղ Ադրբեջանի նախագահ Իլհամ Ալիևը հայտարարել էր, որ Ֆրանսիայի և Նիդեռլանդների անդրծովյան տարածքները բախվում են շատ լուրջ խնդիրների, ինչպիսիք են նեոգաղութատիրությունը և կլիմայի փոփոխությունը: Դրանից հետո Ֆրանսիայի բնապահպանական բարեփոխումների և էներգետիկայի նախարար Անյես Պանյե-Նաշեն հրաժարվել է մասնակցել Բաքվում կայանալիք COP29-ին:
«Երեքշաբթի՝ նոյեմբերի 19 -ին, Ֆրանսիայում Ադրբեջանի դեսպանը կանչվել է արտաքին գործերի նախարարություն», - ասված է Ֆրանսիայի ԱԳՆ հայտարարության մեջ:
Նշվում է, որ դիվանագետի կանչը հաջորդել է COP29 կոնֆերանսի ժամանակ Ադրբեջանի իշխանությունների կողմից «անընդունելի արտահայտություններին», ինչի արդյունքում Պանյե-Ռյունաշեն «ստիպված է եղել չեղարկել իր մասնակցությունը» միջոցառմանը:
