Իսրայելը հարվածել է Իրանի միջուկային ծրագրի բաղադրիչի վրա. Նեթանյահու
Իսրայելը, այս տարվա հոկտեմբերին Իրանի վրա իր վերջին հարձակման ժամանակ, հարվածել է Իրանի միջուկային ծրագրի «որոշակի բաղադրիչի» վրա, ասել է Իսրայելի վարչապետ Բենիամին Նեթանյահուն՝ ելույթ ունենալով Քնեսետի (խորհրդարանի) նիստում: Այս մասին գրում է РИА Новости–ն:
«Սա գաղտնիք չէ, հայտնի է, կա միջուկային ծրագրի որոշակի բաղադրիչ, որը խոցվել է հարձակման ժամանակ»,- ասել է Նեթանյահուն։
Վարչապետը, սակայն, չի հստակեցրել, թե որ օբյեկտի մասին է խոսքը:
Նա նաև ընդգծել է, որ Իրանն իր միջուկային զենքով «հսկա սպառնալիք» է ներկայացնում ինչպես Իսրայել պետության գոյության, այնպես էլ Իսրայելի հարևան երկրների հետ հնարավոր խաղաղ հարաբերությունների կառուցման համար։
