ԵՄ-ն քաղաքական առաքելություն կուղարկի Վրաստան. Բորել

ԵՄ-ն քաղաքական առաքելություն կուղարկի Վրաստան՝ ուսումնասիրելու խորհրդարանական ընտրությունների արդյունքները: Այս մասին ասել է ԵՄ դիվանագիտության ղեկավար Ժոզեպ Բորելը:

«Խորհրդարանական ընտրությունները հաստատեցին երկրի ժողովրդավարական շեղումը գործող իշխանության օրոք։ «Վրացական երազանքի» առաջնորդները երկիրը շեղել են Եվրամիությունից՝ հակասելով վրաց ժողովրդի նկրտումներին և երկրի՝ ԵՄ-ին ինտեգրվելու ճանապարհին գնալու նպատակին։ Մենք բոլորս մի բան ենք ուզում՝ Վրաստանը վերադառնա եվրոպական ուղի։ Դրա համար կառավարությունը պետք է վճռական փոփոխություններ իրականացնի կոնկրետ գործողությունների միջոցով։ Վրաստանը չի կարողանա առաջ շարժվել, չի կարող առաջ շարժվել եվրոպական ճանապարհով առանց էական փոփոխությունների»,– հայտնել է Բորելը։

Նա նշել է, որ Եվրամիության դուռը դեպի Վրաստան բաց կմնա, սակայն Վրաստանի կառավարության մոտեցումը օրենքի գերակայության և հիմնարար սկզբունքների պահպանման հարցում, ներառյալ Վրաստանի ընտրությունների անցկացման եղանակը, երկիրը հեռացնում է ԵՄ-ին ինտեգրվելու ուղուց: