ԱՄՆ-ում գրանցվել է կապիկի ծաղիկ շտամով վարակվելու առաջին դեպքը

Կալիֆորնիայի հանրային առողջության վարչությունը հայտնել է ԱՄՆ-ում կապիկի ծաղիկի ծանր շտամի առաջին դեպքի մասին:

«Հայտնաբերվել է կապիկի ծաղիկի 1-ին շտամի առաջին դեպքը Միացյալ Նահանգներում: Հաստատված դեպքը անհատի մոտ է, որը վերջերս ճանապարհորդել է Աֆրիկայում և կապված է clade I շտամի ներկայիս բռնկման հետ»,- ասվում է հայտարարության մեջ։

CNN-ը՝ հղում անելով Հիվանդությունների վերահսկման և կանխարգելման ԱՄՆ կենտրոնին հայտնում է, որ հիվանդը բուժվել է տեղի բուժհաստատությունում, իսկ ավելի ուշ դուրս է գրվել: Հեռուստաալիքի տվյալներով՝ վարակվածը գտնվում է տանը ինքնամեկուսացման մեջ։ 

ԱՄՆ իշխանությունները, Հիվանդությունների վերահսկման և կանխարգելման կենտրոնը շարունակում են աշխատել լրացուցիչ դեպքերի հայտնաբերման ու հնարավոր շփումները հայտնաբերելու ուղղությամբ: