Արթիկում շների դաժան սպանդ է իրականացվել. ԱԺ նախագահի օգնական

Երեկ Արթիկում որոշների թույլտվությամբ շների դաժան սպանդ է իրականացվել։ Օրը ցերեկով բոլորի աչքի առաջ կրակել են անպաշտպան կենդանիների վրա։ Առկա են տեսանյութներ, կան ականատեսներ։ Այս մասին ֆեյսբուքյան իր էջում գրել է ԱԺ նախագահ Ալեն Սիմոնյանի օգնական` Մովսես Հարությունյանը:

«Հուսով եմ, որ մեր իրավապահները համապատասխան իրավական գնահատական կտան` պատժելով անմեղ կենդանիների վրա կրակողին ու նրան քաջալերողներին, ովքեր դուխ են տվել, որ անի այդ քայլը»,- գրել է նա:

 ՆԳՆ-ից Auroranews-ին ասացին, որ հաղորդում դեռ չի եղել դեպքի առթիվ: