ՏԵՍԱՆՅՈՒԹ. Իսպանիայում զոհերի թիվը ավելանում է

Երեքշաբթի անձրևները հեղեղումներ են առաջացել Իսպանիայի հարավային և արևելյան շրջաններում:

Ոստիկանությունն ու փրկարար ծառայությունները ուղղաթիռներ են օգտագործել մարդկանց տներից և մեքենաներից տարհանելու համար:

Նշենք որ Վալենսիայում վտանգի «կարմիր» մակարդակ է, գրանցվել է 51 զոհ:

Իսպանիայի արտակարգ իրավիճակների արձագանքման ստորաբաժանումներից ավելի քան 1,000 զինվորներ տեղակայվել են ավերված տարածքներում:

«Երեկ իմ կյանքի ամենավատ օրն էր: Մենք առնետների նման թակարդում էինք հայտնվել: Փողոցներով մեքենաներ ու աղբարկղեր էին լողում։ Ջուրը բարձրացել էր մինչեւ երեք մետր»,- ասել է Վալենսիա շրջանի Ուտիել քաղաքի քաղաքապետ Ռիկարդո Գաբալդոնը:

Հիշեցնենք, որ Վալենսիայում կամուրջ է փլուզվել, Մալագայում գնացքը դուրս է եկել գծերից, մի քանի մարդ մինչ օրս անհետ կորած է համարվում տարերքի հարվածի պատճառով, որը հորդառատ անձրեւների, կարկուտի եւ քամու ուժեղ պոռթկումների պատճառ է դարձել եւ հեղեղումների է հանգեցրել: