ՏԵՍԱՆՅՈՒԹ. Կադրեր` Իսպանիայի անոմալ ջրհեղեղից. կան անհետ կորածներ և զոհ
Իսպանիայում անոմալ եղանակի պատճառով մարդիկ են անհետ կորել, մեկը՝ մահացել: Հայտնում են տելեգրամյան ալիքները:
Վալենսիայում կամուրջ է փլուզվել, Մալագայում գնացքը դուրս է եկել գծերից, մի քանի մարդ մինչ օրս անհետ կորած է համարվում տարերքի հարվածի պատճառով, որը հորդառատ անձրեւների, կարկուտի եւ քամու ուժեղ պոռթկումների պատճառ է դարձել եւ հեղեղումների է հանգեցրել:
Հայտնի է դարձել մեկ զոհի մասին: Վալենսիայում տղամարդը իջել Է ավտոտնակ, որ ստուգի մեքենան և մնացել վերելակում:
Պետական օդերեւութաբանական գործակալությունը տագնապի ամենաբարձր մակարդակն է հայտարարել Վալենսիա ինքնավար համայնքում անձրեւների պատճառով, որտեղ Պիկանյա գետի վրա կամուրջ է փլուզվել:
Պետական գործակալությունը նաև հատուկ նախազգուշացում է տարածել տարածքում բոլոր երկրների քաղաքացիներին զգուշության կոչ անելով.
«Ամենաանբարենպաստ օրն է, հորդառատ անձրևները կշարունակվեն հաջորդ օրերի ընթացքում», - ասվում է հաղորդագրության մեջ:
