ՏԵՍԱՆՅՈՒԹ. Էրդողանը՝ Անկարայում ահաբեկչության մասին
Թուրքիայի նախագահ Ռեջեփ Թայիփ Էրդողանը ՌԴ նախագահ Վլադիմիր Պուտինի հետ հանդիպման ժամանակ անդրադարձել է Անկարայում տեղի ունեցած ահաբեկչությանը՝ հայտնելով, որ հարձակման հետևանքով զոհվել է 4 մարդ, իսկ վիրավորվել՝ 14–ը, գրում է BFM.ru–ն:
«Հատկապես շնորհակալ եմ ահաբեկչության կապակցությամբ ցավակցություն հայտնելու համար։ Այս հարձակման հետևանքով 4 մարդ զոհվել է, 14 մարդ վիրավորվել։ Դատապարտում եմ ահաբեկչությունը, իսկ վիրավորներին մաղթում շուտափույթ ապաքինում»,– ասել է Էրդողանը։
Համացանցում հրապարակվում են Անկարայում տեղի ունեցած ահաբեկչության վայրից տեսակադրեր: Հրապարակված կադրերում երևում են հատուկ նշանակության ուժերը, որոնք ժամանել են դեպքի վայր:
Ըստ տեղի ԶԼՄ–ների՝ հատուկ նշանակության ուժերը ոչնչացրել են բոլոր ահաբեկիչներին, ովքեր այսօր հարձակվել են Անկարայի TUSAŞ համալսարանի վրա։ Պատանդներն ազատ են արձակվել, գրում են թուրքական ԶԼՄ–ները:
Ավելի վաղ հայտնել էինք, որ Անկարայում թուրքական TUSAŞ ավիաարտադրող ընկերությունում պայթյուն է տեղի ունեցել: Հաղորդվում է, որ հարձակվողը սպանվել է, զոհերի թիվը պարզ չէ:
