ՏԵՍԱՆՅՈՒԹ. ՑԱԽԱԼ–ը գիշերը 13 հարված է հասցրել Բեյրութին. կան զոհեր

Բեյրութում Ռաֆիկ Հարիրիի անվան հիվանդանոցի մոտ բնակելի տան վրա Իսրայելի հարվածի հետևանքով զոհվել է 4 մարդ: Այս մասին հայտնում է Լիբանանի առողջապահության նախարարության արտակարգ իրավիճակների կենտրոնը:

«4 մար մահացել է, ներառյալ երեխա: 24 մարդ վիրավորվել է»,– նշվում է հայտարարության մեջ:

Թելեգրամյան ալիքների հաղորդմամբ՝ գիշերը Իսրայելն արդեն 13 հարված է հասցրել Բեյրութին։ Ավելի վաղ հայտնել էինք, որ ՑԱԽԱԼ-ը հարվածել է Բեյրութի հիվանդանոցներից մեկին։

Ըստ տարածված տեղեկատվության՝ Իսրայելի հարվածից սպանված «Հեզբոլլահի» առաջնորդ Հասան Նասրալլայի ոսկու և արտարժույթի պաշարները պահվում են Բեյրութի «Ալ Սահել» հոսպիտալի տակ գտնվող բունկերում։

Խոսքը մինչև 500 միլիոն դոլարի մասին է։

Ակնկալվում էր, որ հիշյալ հոսպիտալը կարող է դառնալ իսրայելական հարվածի հաջորդ թիրախը։