Դա հակասում է վեճերի խաղաղ կարգավորման պարտավորություններին․ Բլինքեն
ԱՄՆ պետքարտուղար Էնթոնի Բլինքենը Հարավարևելյան Ասիայի երկրների առաջնորդներին հայտարարել է, որ Վաշինգտոնը մտահոգված է Հարավչինական ծովում Չինաստանի «ավելի վտանգավոր և անօրինական» գործողություններով: Նրա խոսքերը մեջբերում է Associated Press-ը։
«Մենք շատ մտահոգված ենք Հարավչինական ծովում Չինաստանի ավելի ու ավելի վտանգավոր եւ անօրինական գործունեությամբ, որը հանգեցրել է մարդկանց վիրավորվելուն, ԱՍԵԱՆ-ի երկրների նավերին վնասելուն (Հարավարեւելյան Ասիայի պետությունների ասոցիացիա) եւ հակասում է վեճերի խաղաղ կարգավորման պարտավորություններին»,-ասել է Բլինքենը:
Բացի այդ, նա հայտարարել է «Թայվանի նեղուցում կայունությունը պաշտպանելու ընդհանուր հանձնառություն» պահպանելու անհրաժեշտության մասին։
