ՌԴ-ից հայտնում են՝ ինչու են թարմացնում միջուկային դոկտրինը

Ռուսաստանը թարմացնում է միջուկային դոկտրինը, որպեսզի իր հակառակորդները պատրանքներ չունենան Մոսկվայի՝ իր անվտանգությունն ապահովելու պատրաստակամության վերաբերյալ բոլոր միջոցներով: Այդ մասին ՌԻԱ Նովոստիին տված հարցազրույցում հայտարարել է ՌԴ ԱԳ փոխնախարար Ալեքսանդր Գրուշկոն:

«Մենք հաշվի ենք առնում ռազմավարական կայունության, մեր անվտանգության և պաշտպանունակության վրա ազդող գործոնների ամբողջությունը։ Այդ նպատակով մենք թարմացնում ենք միջուկային զսպման ոլորտում պետական քաղաքականության հիմունքները, որպեսզի հակառակորդները պատրանքներ չունենան Ռուսաստանի Դաշնության անվտանգությունը բոլոր միջոցներով ապահովելու մեր պատրաստակամության վերաբերյալ», - ասել է Գրուշկոն։

Նրա խոսքով՝ թե՛ հայեցակարգային, թե՛ քաղաքական, թե՛ ռազմատեխնիկական առումներով «ՆԱՏՕ-ի միջուկային երկրները և բլոկն ինքը, որն իրեն միջուկային է հայտարարել, շարժվում է դաշինքի ռազմավարության մեջ միջուկային զենքի դերի մեծացման ուղղությամբ»։

ՌԴ նախագահ Վլադիմիր Պուտինն ավելի վաղ միջուկային զսպման հարցով անվտանգության խորհրդի մշտական խորհրդակցության ժամանակ առաջարկել էր քննարկել միջուկային զսպման ոլորտում պետական քաղաքականության հիմքերի թարմացման հետ կապված հարցը: Պուտինը հայտարարել է, որ Ռուսաստանն իրեն իրավունք է վերապահում միջուկային զենք կիրառել ագրեսիայի դեպքում, այդ թվում, եթե հակառակորդը, օգտագործելով սովորական զենք, կրիտիկական սպառնալիք է ստեղծում ինքնիշխանության համար: