Իսրայելը Իրանի հրթիռային հարվածներին պատասխան գործողությունների շրջանակներում կարող է հարձակվել ռազմական բազաների, հետախուզական օբյեկտների կամ հրամանատարական կետերի վրա, բայց ոչ միջուկային օբյեկտների: Այս մասին հայտնում է The New York Times (NYT) պարբերականը՝ հղում անելով իր աղբյուրներին:

Աղբյուրները նշում են, սակայն, որ Իրանի առանցքային միջուկային օբյեկտները կարող են թիրախ դառնալ ապագայում Թեհրանի կողմից հնարավոր հետագա էսկալացիայի դեպքում, եթե նա պատասխան միջոցներ ձեռնարկի:

Այնուամենայնիվ, նշում է պարբերականը, Իսրայելում և ԱՄՆ-ում ուժեղանում են կոչերն օգտագործել պահը երկար տարիներ Իրանի միջուկային ծրագիրը հետ շպրտելու համար: