ՏԵՍԱՆՅՈՒԹ. Բեյրութի ավիահարվածներին հրամանատարական սենյակից անձամբ հետևել է Իսրայելի Պն-ն
Իսրայելական ԶՈւ-ն Բեյրութի նկատմամբ ավիահարվածները հասցրել է՝ օգտագործելով F-35 ինքնաթիռներ և ստորգետնյա պահեստարանները թիրախավորող արկեր։ Բենիամին Նեթանյահուն էլ ժամանակից շուտ Նյու Յորքից վերադարձել է Իսրայել: Այս մասին հայտնել է Իսրայելի վարչապետի աշխատակազմը։
Իսրայելի Պաշտպանության նախարար Յոավ Գալանտը հրամանատարական սենյակից հետևել է «Հըզբոլլահի» գլխավոր շտաբին ուղղված ռազմաօդային ուժերի ավիահարվածներին։ Նշվում է, որ Բեյրութի ուղղությամբ Իսրայելի հարվածներից հետո կատարվում են որոնողափրկարարական աշխատանքներ։ Կան տասնյակ զոհեր և վիրավորներ, որոնց թիվը դեռևս չի նշվում։
