Դա ինձ շատ է հուզում և մտահոգում․ Լուկաշենկո

Բելառուսի նախագահ Ալեքսանդր Լուկաշենկոն հայտնել է, որ վախենում է արհեստական ինտելեկտի գերին դառնալ:

«Ես վախենում եմ, որ այդ արհեստական ինտելեկտը չհանգեցնի այն բանին, որ մենք դրա գերին լինենք», - Լուկաշենկոյի խոսքը մեջբերում է ԲԵԼՏԱ պետական գործակալությունը:

Նա կարծում է, որ աղետ կլինի, եթե ինչ-որ պահի, տեխնոլոգիաների զարգացման արդյունքում մարդկությունը հայտնվի առանց աշխատանքի։

«Դա ինձ շատ է հուզում եւ մտահոգում», - նշել է Բելառուսի առաջնորդը:

Նա նշեց, որ նախորդ տարիներին բոլոր գործընթացների կենտրոնում մարդիկ էին, և դա չի կարելի կորցնել։

«Բայց ես հասկանում եմ, որ առանց դրա (ժամանակակից տեխնոլոգիաների - խմբ.) հնարավոր չէ։ Մենք պետք է տիրապետենք դրան, մենք պետք է յուրացնենք դա», - հայտարարել Է Լուկաշենկոն՝ հավելելով, որ տեղեկատվության վերլուծության եւ որոշումների կայացման ժամանակ արհեստական ինտելեկտի օգնությանը չի դիմում։