ՏԵՍԱՆՅՈՒԹ․ Լիբանանում նոր պայթյուններ են որոտացել

Լիբանանում պայթյուններ են որոտացել, որոնք նման են մի քանի հարյուր փեյջերների պայթեցմանը, հաղորդում է ՌԻԱ Նովոստին: Տեղական ԶԼՄ-ները հայտնում են Լիբանանի հարավում և Բեյրութի հարավային արվարձանում ավտոմեքենաների, մոտոցիկլետների և մարդկանց ձեռքերում բջջային սարքերի պայթյունների մասին: Նշվում է, որ խոսքը ոչ միայն փեյջերների, այլև էլեկտրոնիկայի այլ տեսակների մասին է՝ սմարթֆոնների, ռադիոընդունիչների և այլն:

Հիշեցնենք, որ փեյջերների զանգվածային պայթյունները երկրում տեղի են ունեցել նախօրեին։ Լիբանանի առողջապահության նախարարությունը հայտնել է այդ ողբերգության հետեւանքով 12 զոհվածների եւ ավելի քան 2,8 հազար տուժածների մասին:

Լիբանանի կառավարությունը կատարվածի պատասխանատվությունը դրել է Իսրայելի վրա, Իսկ «Հըզբոլլահ» շարժումը խոստացել Է Իսրայելին կոշտ պատասխան տալ:

Շարժման ղեկավարներն իրենց համախոհներին կոչ են արել դեն նետել փեյջերները՝ նոր պայթյունների սպառնալիքի պատճառով։