Ֆրանսիան դատապարտել Է Ադրբեջանի դատավճիռը․ երկրի ԱԳՆ հայտարարությունը
Ֆրանսիան դատապարտել է Ադրբեջանում այդ երկրի քաղաքացի Թեո Քլերքի նկատմամբ կամայական և բացահայտ խտրական վերաբերմունքը, որը մետրոյում գրաֆիտիի համար դատապարտվել է երեք տարվա ազատազրկման: Միևնույն ժամանակ, մյուս երկու մեղադրյալները նրա հետ նույն գործողությունների համար դատապարտվել են դրամական տուգանքի, ասվում է Ֆրանսիայի ԱԳՆ մեկնաբանության մեջ:
Թեո Քլերկի ձերբակալությունից հետո Բաքվում Ֆրանսիայի դեսպանությունը դիմել է Ադրբեջանի իրավասու մարմիններին՝ Ֆրանսիայի քաղաքացու շահերից ելնելով և հյուպատոսական հարաբերությունների մասին Վիեննայի կոնվենցիայի դրույթներին համապատասխան հյուպատոսական պաշտպանություն իրականացնելու համար:
Դեսպանատան ներկայացուցիչները ներկա էին բոլոր դատական նիստերին:
Ֆրանսիայի ԱԳՆ-ն հիշեցրել է այս երկրի քաղաքացիներին, այդ թվում՝ երկքաղաքացիություն ունեցողներին, նախազգուշացումը՝ չայցելել Ադրբեջան, եթե բացարձակ անհրաժեշտություն չկա՝ «մի երկրում կամայական կալանավորման և անարդար դատավարության վտանգի պատճառով, որի դատական համակարգը անկախության երաշխիքներ կամ իրավունքների պաշտպանություն չի տալիս»։
