Կիևը հետ է կանչել Վրաստանում երկրի դեսպանին

Ուկրաինայի ԱԳՆ նոր ղեկավար Անդրեյ Սիբիգան հետ է կանչել Վրաստանում երկրի դեսպանին «դիվանագիտության իրողությունները լիովին չհասկանալու» պատճառով։

«Տեղեկացրել է արտաքին գործերի փոխնախարար Իրինա Բորովեցի պաշտոնանկության մասին, ինչպես նաեւ Վրաստանում Ուկրաինայի գործերի ժամանակավոր հավատարմատարի երկարաժամկետ գործուղման դադարեցման մասին (նրա կողմից պատերազմող պետության դիվանագիտության իրողությունները լիովին չհասկանալու մասին)», — գրել է նա Facebook-ի իր էջում։

Սիբիգիի խոսքով՝ գերատեսչությունը պետք է համապատասխանի պատերազմական վիճակում գտնվող երկրի իրողություններին, պետության դեսպանները «չեն կարող կտրված լինել իրականությունից»:

Դիվանագետն ընդգծել է, որ դեսպանը պետք է լինի «խաղացող մարզիչ, որը կենտրոնից հրահանգների չի սպասում, այլ նախաձեռնող է գործում, պատասխանատվություն է ստանձնում»:

Վրաստանում Ուկրաինայի գործերի ժամանակավոր հավատարմատարի պաշտոնը զբաղեցնում է Միխայիլ Խարիշինը:

Սիբիգան արտաքին գործերի նախարարի պաշտոնում նշանակվել էր 2024 թվականի սեպտեմբերի 5-ին։ Նա նախկինում եղել է արտաքին գործերի նախարարի առաջին տեղակալ և նախագահի գրասենյակի ղեկավարի տեղակալ։ Նրանից առաջ ԱԳՆ ղեկավարի պաշտոնը զբաղեցնում էր Դմիտրի Կուլեբան։