Գրոսսին Իրանի նախագահից ստացել է բարձր հարստացված ուրանի խնդրին առնչվող պատասխանը

Ատոմային էներգիայի միջազգային գործակալության (ՄԱԳԱՏԷ) գլխավոր տնօրեն Ռաֆայել Գրոսսին Al Arabiya-ին տված հարցազրույցում անդրադարձել է Իրանի միջուկային ծրագրին` երկրի կողմից բարձր հարստացված ուրանի պաշարների շարունակական կուտակման առնչությամբ մտահոգություն հայտնելով:

Նա հայտնել է, որ պատասխան է ստացել Իրանի նոր նախագահ Մասուդ Փեզեշքիանից՝ «նշելով Իրանի միջուկային գործունեության խաղաղ բնույթի ապահովմանն ուղղված երկխոսության վերսկսման հնարավորությունը»։

Գրոսսին ընդգծել է Իրանի կողմից ավելի մեծ թափանցիկության և համագործակցության անհրաժեշտությունը, հատկապես նրա միջուկային կարողությունների զարգացման լույսի ներքո:

Բացի դրանից, Գրոսսին անդրադարձել է միջուկային զենքի տարածման ավելի լայն խնդիրներին և միջուկային էսկալացիայի ռիսկերի նվազեցման գործում, հատկապես ուժեղացված լարվածության տարածաշրջաններում ՄԱԳԱՏԷ-ի դերին:

Նա նշել է երկխոսության շարունակման կարևորությունը և այդ խնդիրների արդյունավետ լուծման համար միջազգային համագործակցության անհրաժեշտությունը:

Օգոստոսին Associated Press-ը հրապարակել էր ՄԱԳԱՏԷ-ի գաղտնի զեկույցը, որում նշվում էր, որ հակառակ միջազգային պահանջներին՝ Իրանն էլ ավելի է մեծացրել զենքի համար նախատեսված ուրանի իր պաշարները:

ՄԱԳԱՏԷ-ի զեկույցում նշվում է, որ օգոստոսի 17-ի դրությամբ Իրանը ունի 164,7 կիլոգրամ ուրան հարստացված մինչև 60%: Սա 22,6 կիլոգրամով ավելի է, քան մայիսին հրապարակված ՄԱԳԱՏԷ-ի նախորդ զեկույցում։ 60% մաքրության հարստացված ուրանն ընդամենն աննշան տեխնիկական քայլ է՝ զենքի մակարդակի 90% մակարդակին հասնելու համար: