ՆԱՏՕ-ն մտադիր է ուժեղացնել Ուկրաինայի պաշտպանությունը

ՆԱՏՕ-ում խստորեն դատապարտել են Ռուսաստանի չտարբվերակված հարվածները և վերահաստատել իրենց խոստումը՝ ավելի ուժեղացնելու Ուկրաինայի պաշտպանությունը: Նման հայտարարություն է արվել ՆԱՏՕ-Ուկրաինա խորհրդի նիստի ժամանակ։

Համապատասխան հայտարարությունը հրապարակվել է  ՆԱՏՕ–ի պաշտոնական կայքում։

«Ուկրաինան շարունակում է ամեն օր որսալ ռուսական հրթիռները՝ փրկելով անթիվ կյանքեր: Սակայն Ուկրաինայի՝ իր պաշտպանական կարողությունները պահպանելու համար պահանջվում է մատակարարման ավելացում և ավելի մեծ աջակցություն: Ռուսական վերջին հարձակումից հետո դաշնակիցներն այսօր վերահաստատեցին, որ ուժեղացնում են իրենց ռազմական օգնությունն Ուկրաինային: Մենք պետք է շարունակենք Ուկրաինային տրամադրել սարքավորումներ և զինամթերք: Այն անհրաժեշտ է Ռուսաստանի ներխուժումից պաշտպանվելու համար»,- ասել է ՆԱՏՕ-ի գլխավոր քարտուղար Յենս Ստոլտենբերգը՝ հավելելով, որ դա կենսական նշանակություն ունի Ուկրաինայի համար: