ԱՄՆ-ը պատժամիջոցներ է սահմանել իսրայելական ՀԿ–ի դեմ Հորդանանի Արևմտյան ափին տիրող իրավիճակի պատճառով
Չորեքշաբթի Միացյալ Նահանգները պատժամիջոցների ցուցակում ներառել է իսրայելական ոչ կառավարական կազմակերպության և մեկ անձի՝ նշելով նրանց գործողությունները որպես Հորդանան գետի արևմտյան ափում պաղեստինցիների իրավունքների խախտում, հայտնել է ԱՄՆ Պետդեպարտամենտը:
«Հորդանան գետի արևմտյան ափի բնակիչների նկատմամբ անկայունության և բռնության ծայրահեղ մակարդակին արձագանքելու Միացյալ Նահանգների ջանքերի շրջանակներում մենք լրացուցիչ պատժամիջոցներ ենք կիրառում տարածաշրջանում բռնության մեջ ներգրավված կամ նյութական աջակցություն ցուցաբերող անձանց դեմ», - ասվում է Պետդեպարտամենտի հայտարարության մեջ:
Այսպես, Վաշինգտոնը պատժամիջոցների ցուցակում ներառել է իսրայելական «Հաշոմեր Յոշ» ոչ կառավարական կազմակերպությունը, որի աշխատակիցները, ըստ ԱՄՆ-ի, թույլ չեն տվել 250 պաղեստինցիների վերադառնալ իրենց տները։
Բացի այդ, պատժամիջոցների են ենթարկվել բնակավայրերից մեկի քաղաքացիական անվտանգության համակարգող Յիցհակ Ֆիլանտը։ Ըստ Պետդեպարտամենտի՝ Ֆիլանտը «չարամիտ գործողություններ է կատարել պաղեստինցիների նկատմամբ, որոնք դուրս են եկել նրա լիազորությունների շրջանակից»։
