Իրանը կաջակցի Գազայի հատվածի ցանկացած գործարքի, որին կհամաձայնի ՀԱՄԱՍ-ը

Իրանը կաջակցի Գազայի հատվածում հրադադարի ցանկացած համաձայնագրի, որը կհաստատվի ՀԱՄԱՍ-ի կողմից, հայտարարել է Իրանի արտգործնախարար Աբաս Արաքչին Կատարի իր գործընկեր Մուհամմեդ բեն Աբդել Ռահման Ալ Թանիի հետ հանդիպման ժամանակ։ Այս մասին հայտնում է EFE-ն։

«Ցանկացած համաձայնագիր, որին կհամաձայնեն Պաղեստինի դիմադրության և ՀԱՄԱՍ-ի մեր ընկերները, կաջակցվի Իրանի կողմից»,- խոստացել է Արաքչին։

Նախարարը նաև ասել է, որ Իրանը ողջունում է Կատարի ջանքերը՝ «անհապաղ վերջ դնելու Սիոնիստական ​​ռեժիմի կողմից Գազայի հատվածում իրականացվող պատերազմին ու հանցագործություններին, ինչպես նաև անկլավում հրադադարի հաստատմանը»:

Երկուշաբթի երեկոյան The Times of Israel-ը, վկայակոչելով ամերիկացի պաշտոնյային, նշել է, որ Գազայի հատվածում հրադադարի համաձայնագրի շուրջ բանակցությունների հերթական փուլը, որը տեղի է ունեցել հանգստյան օրերին Կահիրեում, արդյունք չի տվել։