Ակնհայտ է, որ ԱՄՆ-ն ցանկանում էր երկրում հեղափոխություն կազմակերպել․ Կալաձե
Վրաստանում իշխող «Վրացական երազանք» կուսակցության գլխավոր քարտուղար, Թբիլիսիի քաղաքապետ Կախա Կալաձեն կարծում է, որ առանց Ռուսաստանի արտաքին հետախուզության ծառայության տվյալների էլ ակնհայտ է, որ ԱՄՆ-ն ցանկանում էր երկրում հեղափոխություն կազմակերպել:
«Դրա համար ռուսական հետախուզության կամ հատուկ ծառայությունների հայտարարությունները պետք չեն, ընդդիմադիրները դուրս էին գալիս և ուղղակիորեն հեղափոխություն էին քարոզում ։ Հասարակությունը տեսել է, թե ինչ ծրագրեր են ֆինանսավորվում այն միջոցներով, որոնք իբր գնում էին ծանր հիվանդություն ունեցող երեխաների կրթությանը։ Ուղղակի ուսուցանել եւ թրեյնինգներ են անցկացրել, թե ինչպես երկրում հեղափոխություն կազմակերպել», - լրագրողներին ասել Է Կալաձեն։
Հիշեցնենք՝ ավելի վաղ ՌԴ արտաքին հետախուզության ծառայությունը հաղորդել էր, որ ԱՄՆ-ն «գունավոր հեղափոխություն» է նախապատրաստում Վրաստանում, նրանք դժգոհ են հոկտեմբերի 26-ի խորհրդարանական ընտրություններից առաջ ստեղծված իրավիճակից:
