Լենինգրադի մարզում օտարերկրացիներին արգելել են տաքսու վարորդ աշխատել
Լենինգրադի մարզի դատախազ Սերգեյ Ժուկովսկին առաջարկ է ուղարկել մարզի նահանգապետին՝ տաքսիների և վարորդով վարձակալած մեքենաների ոլորտում օտարերկրյա քաղաքացիների աշխատանքի արգելք սահմանելու մասին: Առաջարկն ընդունվել է:
Լենինգրադի մարզում մինչև 2024 թվականի վերջը արգելք է դրվել մարդատար տաքսիների և վարորդով վարձակալած ավտոմեքենաների ոլորտում օտարերկրյա քաղաքացիների աշխատանքի վրա, հայտնել է տարածաշրջանային դատախազությունը։
Օրենքի համաձայն, մարզերի ղեկավարներն իրավունք ունեն ամեն տարի, հաշվի առնելով աշխատաշուկայի տարածաշրջանային բնութագրերը և Ռուսաստանի քաղաքացիների զբաղվածության առաջնահերթ կարգի անհրաժեշտությունը, արգելք սահմանել տնտեսվարող սուբյեկտների կողմից արտոնագրերի հիման վրա աշխատանքային գործունեություն իրականացնող օտարերկրյա քաղաքացիների ներգրավման վրա՝ տնտեսական գործունեության որոշակի տեսակների համար:
