Շուտով Ռուսաստանն իրանական արտադրության բալիստիկ հրթիռներ կստանա․ Reuters
«Մոտ ապագայում Ռուսաստանն իրանական արտադրության բալիստիկ հրթիռներ կստանա»: Այս մասին հաղորդում է Reuters գործակալությունը՝ վկայակոչելով հետախուզական ծառայություններում սեփական աղբյուրները։
Գործակալությունը մանրամասնում է, որ խոսքը Fath 360 տեսակի հրթիռների մասին է, որը մարտավարական բնույթի հրթիռային համակարգ է։ Դրա հեռահարությունը 30-ից 75 կիլոմետր է։
«Իրանը մտադիր է հարյուրավոր նման հրթիռներ մատակարարել Մոսկվային։ Այժմ մի քանի տասնյակ ռուս զինվորականներ Իրանում են՝ հրթիռային համակարգերի շահագործման վարժանքների մասնակցելու», - գրում է գործակալությունը։
