Մեխանիկական անսարքության պատճառով Թրամփի ինքնաթիռը վայրէջք է կատարել Բիլինգս քաղաքում
ԱՄՆ նախկին նախագահ Դոնալդ Թրամփի ինքնաթիռը ուրբաթ վայրէջք է կատարել Մոնտանայի նահանգի Բիլինգս քաղաքում մեխանիկական անսարքության պատճառով։ Այս մասին տեղեկացրել է NBC News-ը՝ հղում կատարելով ԱՄՆ Գաղտնի ծառայությանը։
Հաղորդվել է, որ ինքնաթիռի մեխանիկական անսարքությունը կապված չէ անվտանգության որևէ այլ հարցի հետ։
Հյատնի չէ, թե արդյոք նախատեսվում էր ի սկբանե վայրէջք կատարել Բիլինգսում կամ Բոզմանում, որտեղ Թրամփը պետք է ելույթ ունենար բարեգործական ընթրիքում և հանրահավաքում։
ԱՄՆ նախագահի թեկնածուի ինքնաթիռից տեսանյութ է տարածվել, որում Թրամփն ասում է․ «Ես հենց նոր վայրէջք կատարեցի մի շատ գեղեցիկ վայրում, Մոնտանայում, որն այնքան գեղեցիկ է նայվում վերևից, և դու պարզապես նայում ես ներքեւ, և այդպես էլ պետք է լինի»։
Նա նաև քննադատել է իր ընդդիմախոսին՝ Դեմոկրատական կուսակցությունից ԱՄՆ նախագահի թեկնածու Քամալա Հարիսին։
