ԿԺԴՀ-ն կրկին աղբով օդապարիկներ է արձակել Կորեայի Հանրապետության ուղղությամբ
ԿԺԴՀ-ն կրկին աղբով օդապարիկներ է արձակել Կորեայի Հանրապետության ուղղությամբ։ Այս մասին հայտնում է Yonhap գործակալությունը՝ հարավկորեացի զինվորականներին հղումով։
«Հավանականություն կա, որ քամու ուղղության փոփոխության դեպքում օդապարիկները շարժվեն դեպի Գյոնգի նահանգի հյուսիսային շրջաններ»,-հայտնել է Կորեայի Հանրապետության զինված ուժերի շտաբի պետերի կոմիտեն։
Նշենք, որ Գյոնգին սահմանակից է ԿԺԴՀ-ին և Սեուլին։ Հարավային Կորեայի զինվորականները քաղաքացիներին խորհուրդ են տվել չմոտենալ ընկած առարկաներին և այդ մասին հայտնել իշխանություններին։
