Ուկրաինան, ըստ ամենայնի, Կուրսկի շրջանի օկուպացված տարածքները կփոխանակի Խարկովի մարզի տարածքով. Bild
Ուկրաինան, ամենայն հավակականությամբ, Կուրսկի շրջանի օկուպացված տարածքները կփոխանակի Խարկովի մարզի տարածքով, գրում է գերմանական Bild պարբերականը։ Նշվում է, որ վերջին 24 ժամվա ընթացքում Ուկրաինայի զինված ուժերը Կուրսկի շրջանում գրավել են ևս ութ գյուղ։ Դրանց թվում են Գոնչարովկան Սուջայից արևմուտք, ինչպես նաև քաղաքից հյուսիս ընկած տարածքները։
Պարբերականը գրում է, որ «հնարավոր է թվում, որ ուկրաինական բանակը մոտ օրերս կգրավի Սուջան և գուցե նույնիսկ անկանխատեսելի ժամանակով պահի այն։ Եթե դա տեղի ունենա, այն, թերևս, կփոխանակի Ռուսաստանի օկուպացրած Խարկովի շրջանի տարածքների հետ կամ նույնիսկ պահի դրանք՝ ապագա բանակցություններում սակարկելու համար»:
Bild-ը գնահատում է ուկրաինական զինված ուժերի խմբավորման 2000-ից փոքր-ինչ ավելի զինվոր և 100 միավոր զրահամեքենա:
«Ռուսաստանը չունի ցամաքային պաշարներ՝ նրանց դեմն առնելու համար։ Միաժամանակ, ուկրաինացիները չափազանց խոցելի են օդից և ենթարկվում են անօդաչու սարքերի հարձակմանը։ Ամեն օր Ուկրաինայի զինված ուժերը կորցնում են 5-10 միավոր զրահամեքենա։ Կարծես լիակատար քաոս լինի՝ տեղ-տեղ՝ երկու կողմերում: Ընդհանուր առմամբ, սահմանի վրայով ուկրաինական հարձակման մեկնարկից 48 ժամ անց դեռ վաղ է այն հանճարեղ անվանել կամ ինքնասպանություն բնորոշել»,- գրում է գերմանական պարբերականը։
