Թրամփը մեղադրել է Օբամային և Բայդենին
ԱՄՆ նախագահի հանրապետական թեկնածու Դոնալդ Թրամփը կարծում է, որ նախկին նախագահ Բարաք Օբամայի և ԱՄՆ ներկայիս առաջնորդ Ջո Բայդենի «ոչ պատշաճ» արտաքին քաղաքականությունը նպաստել է Ռուսաստանի և Չինաստանի մերձեցմանը։
Թրամփը նման զարգացումը հրավիրված մամուլի ասուլիսում անվանել է աներևակայելի:
«Թույլ տրվեց անհնարինը՝ Ռուսաստանի և Չինաստանի մերձեցումը Օբամայի պատճառով, դա սկսվեց նրանից, իսկ հետո Բայդենի պատճառով, որովհետև նա ընդհանրապես գաղափար չուներ, թե ինչ է անում, նրանք (Ռուսաստանի Դաշնությունը և Չինաստանի Ժողովրդական Հանրապետությունը) այժմ դարձել են մեկ ուժ։ Այժմ Իրանը և Հյուսիսային Կորեան՝ բավականին հզոր տերություններ, միանում են այս դաշինքին», – ասել է նա:
«Համաշխարհային հանրությունը շատ մոտ է եղել նոր համաշխարհային պատերազմի մեկնարկին «ամերիկյան ներկայիս վարչակազմի պատճառով»», նշել է Թրամփը։
