Մերկուրիի վրա ադամանդի 11 կիլոմետրանոց ստորգետնյա շերտ կարող է լինել հետազոտողների կարծիքով
Ըստ նոր հետազոտության, մինչև 18 կիլոմետր (11 մղոն) հաստությամբ ադամանդի շերտը կարող է թաքնվել արեգակնային համակարգի ամենափոքր և արեգակին ամենամոտ մոլորակի՝ Մերկուրիի մակերեսի տակ: Հայտնում է CNN-ը:
Ադամանդները կարող են ձևավորվել անմիջապես այն բանից հետո, երբ Մերկուրին վերածվեց մոլորակի մոտ 4,5 միլիարդ տարի առաջ փոշու և գազի պտտվող ամպից՝ բարձր ճնշման և շրջակա միջավայրի բարձր ջերմաստիճանի պայմաններում: Ենթադրվում է, որ այդ ժամանակ երիտասարդ մոլորակն ուներ գրաֆիտի կեղև, որը լողում էր մագմայի խորը օվկիանոսի վրայով:
Հետազոտողների թիմը փորձի ընթացքում վերստեղծել է այս այրվող միջավայրը «Press Anvil» կոչվող մեքենայի միջոցով, որը սովորաբար օգտագործվում է ծայրահեղ ճնշման տակ գտնվող նյութերի վարքագիծը ուսումնասիրելու, ինչպես նաև սինթետիկ ադամանդներ արտադրելու համար:
Գիտնականների թիմը տարրերի սինթետիկ խառնուրդ, ներառյալ սիլիցիումը, տիտանը, մագնեզիումը և ալյումինը, տեղադրել է գրաֆիտի տարայի մեջ, որը նմանակում է Մերկուրիի ներքին մասի տեսական կազմը իր գոյության սկզբին: Հետազոտողները այնուհետև տարան ենթարկեցին գրեթե 70,000 անգամ ավելի մեծ ճնշման, քան երկրի մակերեսին է, և ջերմաստիճանը մինչև 2,000 աստիճան ցելսիուս, կրկնելով այն պայմանները, որոնք հավանաբար գտնվել էին միլիարդավոր տարիներ առաջ Մերկուրիի միջուկի մոտ:
Նմուշը հալվելուց հետո գիտնականները էլեկտրոնային մանրադիտակի տակ ուսումնասիրել են քիմիական կազմի և հանքանյութերի փոփոխությունները և նշել, որ գրաֆիտը վերածվել է ադամանդի բյուրեղների:
Հետազոտողները ասում են, որ այս մեխանիզմը կարող է ոչ միայն մեզ ավելի շատ տեղեկություններ հաղորդել Մերկուրիի մակերևույթի տակ թաքնված առեղծվածների, այլև մոլորակային էվոլյուցիայի և նմանատիպ բնութագրերով էկզոմոլորակների ներքին կառուցվածքի մասին:
