Թեհրանում սպանվել է ՀԱՄԱՍ-ի քաղբյուրոյի ղեկավար Իսմայիլ Հանիեն
Պաղեստինյան ՀԱՄԱՍ շարժման քաղբյուրոյի ղեկավար Իսմայիլ Հանիեն սպանվել է Իրանի մայրաքաղաք Թեհրանում գտնվող իր նստավայրի վրա հարձակման արդյունքում։
Ինչպես հայտնում է Mehr գործակալությունը՝ վկայակոչելով Իսլամական հեղափոխության պահապանների կորպուսին, Հանիեի հետ սպանվել է նրա թիկնապահներից մեկը։ Հաղորդագրության մեջ այլ մանրամասներ չեն նշվում։
Ապրիլին հայտնի դարձավ, որ Գազայի հատվածի կենտրոնական հատվածում ավիահարվածի հետևանքով զոհվել են Հանիեի երեք որդիները։
