Պեսկովը պատմել Է Պուտինի ՝ Թուրքիա այցի նախապատրաստման մասին
Ռուսաստանի նախագահ Վլադիմիր Պուտինի՝ Թուրքիա կատարելիք այցի նախապատրաստումն ակտիվ է ընթանում, ամսաթիվը դեռ որոշված չէ: Այս մասին «ՌԻԱ Նովոստի» -ին հայտնել Է ՌԴ նախագահի մամուլի քարտուղար Դմիտրի Պեսկովը:
Հուլիսի սկզբին Թուրքիայի նախագահ Ռեջեփ Թայիփ Էրդողանի գրասենյակը նույնպես հայտնել էր, որ այցի կոնկրետ ամսաթիվը դեռ չի որոշվել: Ինքը՝ Էրդողանն ասել է, որ Պուտինի այցը Թուրքիա կարող է Թուրքիայի և Սիրիայի հարաբերությունների կարգավորման նոր գործընթացի սկիզբ դառնալ։ Չորեքշաբթի օրը Պուտինը Կրեմլում ընդունել է Սիրիայի նախագահ Բաշար Ասադին:
«Ակտիվ, բայց ամսաթիվը դեռ հայտնի չէ», - ասել Է Պեսկովը՝ պատասխանելով հարցին, թե ինչպես է ընթանում այցի նախապատրաստումը:
