Եվրամիության մի շարք երկրներ Թուրքիայից անօդաչու թռչող սարքեր (ԱԹՍ) են պատվիրել: Այս մասին հայտնել է երկրի նախագահ Ռեջեփ Թայիփ Էրդողանը՝ չմանրամասնելով, թե կոնկրետ որ երկրների մասին է խոսքը:

«Մասնավորապես, արևմտյան երկրները հիմա մեկը մյուսի հետևից պատվիրում են մեր անօդաչու թռչող սարքերը: Ես ձեզ չեմ ասի, թե որ երկրներն են դրանք, բայց այն փաստը, որ Եվրամիության երկրներն այժմ նման պահանջներ են ներկայացնում մեզ, ցույց է տալիս, թե ինչպես են փոխվել ժամանակները: Դա նույնպես ուրախացնում է մեզ», - լրագրողներին հայտնել է Թուրքիայի նախագահը։

«Մենք կառուցում ենք մեր սեփական ինքնաթիռը, ստեղծել ենք մեր արբանյակը և ուղարկել այն տիեզերք, մենք դեռ ավելին կանենք և ավելի հեռուն կգնանք»,- հավելել է Էրդողանը։