![Ալիեւը Եվրոպային մեղադրել է «երեսպաշտության» մեջ](https://auroranews.am/storage/img/base_image/2024-07-22/669e13458ecea.webp)
Ալիեւը Եվրոպային մեղադրել է «երեսպաշտության» մեջ
![Ալիեւը Եվրոպային մեղադրել է «երեսպաշտության» մեջ](https://auroranews.am/storage/img/base_image/2024-07-22/669e13458ecea.webp)
Ադրբեջանի նախագահ Իլհամ Ալիեւը «երեսպաշտական» է անվանել Եվրոպայի մոտեցումը, որը մի կողմից Բաքվին խնդրում է ավելացնել գազի մատակարարումները, մյուս կողմից՝ հրաժարվում է ֆինանսավորել դրա համար անհրաժեշտ ենթակառուցվածքի կառուցումը։
«Այսօր Եվրոպան մեր բնական գազի խիստ կարիքն ունի։ Մի կողմից, մեզ խնդրում են ավելացնել գազի արդյունահանումը եւ այն Եվրոպա տեղափոխումը։ Մյուս կողմից, չեն ֆինանսավորում դա։ Այս հարցում երեսպաշտությանը պետք է վերջ դրվի»,- ասել է Ալիեւը։
Ինչպես հաղորդում է ՏԱՍՍ-ը, նա հավելել է, որ եվրոպացի գործընկերները ցանկանում են, որ Ադրբեջանը կրկնապատկի Հարավային գազային միջանցքի հզորությունը։
«Մենք պետք է միլիարդներ ներդնենք դրա համար։ Նշեմ, որ մենք դեռ չենք հատուցել Հարավային գազային միջանցքում մեր կատարած ծախսերը։ Գազից ստացված մեր եկամուտները շարունակում են ուղղվել այդ պարտքի մարմանը։ Նրանք ակնկալում են, որ մենք միլիարդներ կներդնենք այնտեղ։ Միաժամանակ ասում են, որ 10 տարի հետո Եվրամիությունը գազի կարիք չի ունենա։ Մենք նմա՞ն ենք հիմարների, որոնք տասնյակ միլիարդավոր դոլարներ կներդնեն գազի մեջ, որն իրենց պետք չի լինելու»,– նշել է Ալիեւը։