Հունգարիային սպառնում է վառելիքի ճգնաժամ. Politico
Հունգարիային սպառնում է վառելիքի ճգնաժամ, քանի որ Ուկրաինան ուժեղացնում է ճնշումը ռուսական նավթի մատակարարումների վրա: Հայտնում է Politico-ն:
Հունիսին Կիևը պատժամիջոցներ է սահմանել Lukoil-ի դեմ և արգելել ընկերությանը նավթի տարանցումը Կենտրոնական Եվրոպա: Բուդապեշտը վախենում է մատակարարման պակասից, քանի որ նավթի ներմուծման 70%-ը գալիս է Ռուսաստանից, իսկ այդ ծավալի կեսը՝ Լուկօյլից։ Հունգարացիները շուտով կարող են բախվել էներգակիրների գների կտրուկ աճին և էլեկտրաէներգիայի պակասին:
Հունգարիայի ԱԳՆ ղեկավարը «անհասկանալի և անընդունելի» է անվանել Ուկրաինայի որոշումը։
Պիտեր Սիյարտոն կշտամբել է Ուկրաինային, որ մի կողմից ձգտում է միանալ ԵՄ-ին, իսկ մյուս կողմից՝ «վտանգում է ԵՄ անդամ երկու երկրների էներգամատակարարումը, հատկապես ամռանը, երբ էներգիայի սպառումը հասնում է իր գագաթնակետին»։
Սիյարտոն նաև ասել է, որ Հունգարիան գտել է ժամանակավոր լուծումներ, բայց «դրանք երկարաժամկետ հեռանկարում անկայուն են»։
