Թրամփի հաղթանակի դեպքում Ուկրաինայի խնդիրը ստիպված կլինի լուծել Եվրոպան
Եթե ԱՄՆ նախագահական ընտրություններում հաղթանակ տանի երկրի նախկին նախագահ ԴոնալդԹրամփը, Ուկրաինայի խնդիրը ստիպված կլինի լուծել Եվրոպան։
Այս մասին BILD-ին տված հարցազրույցում հայտարարել է ԱՄՆ պետքարտուղարի պաշտոնում Թրամփի թեկնածու Ռիչարդ Գրենելը։
Նրա կարծիքով, ուկրաինական հակամարտությունը «Եվրոպայի ծայրամասում է», և եթե պատերազմը լիներ Մեքսիկայում, ապա Միացյալ Նահանգները «գործի մեծ մասը կաներ, եթե ոչ ամբողջը, և չէր դիմի գերմանացիների օգնությանը»:
«Եվրոպան պատերազմի մեջ է: Երբ Թրամփն այնտեղ էր, Եվրոպան պատերազմի մեջ չէր: Թրամփի օրոք ՆԱՏՕ-ն շատ ավելի ուժեղ էր: Բայդենը Պուտինի հետ երեք տարվա մեջ 1 անգամ չի խոսել: Ես կարծում եմ, որ մարդկանց հետ խոսելը մարտավարություն է: նպատակը չէ, լուծումը չէ, բայց դա մեզ հասցնում է այնտեղ»,-ասել է նա։
Նրա խոսքով՝ Գերմանիայի կառավարությունը սարսափելի սխալ է վերաբերվել Դոնալդ Թրամփի քաղաքականությանը։
«Այսօր կարող եմ ասել, որ «Հյուսիսային հոսք 2»-ը դարձավ պատճառներից մեկը, թե ինչու է Ուկրաինայում պատերազմ...»։
Նա հավելել է, որ Թրամփիխաղաղության ծրագիրը «իրատեսական է»։
«Տեսեք, Դոնալդ Թրամփը արաբների և իսրայելցիների միջև խաղաղության համաձայնագրեր է կնքել, Դոնալդ Թրամփի օրոք Եվրոպայում պատերազմներ չեն եղել»,- հավելել է քաղաքական գործիչը։
