Հրեաները զավթիչ չեն իրենց հողում. Նեթանյահուն` ՄԱԿ-ի դատարանի որոշման մասին

Իսրայելի վարչապետ Բենիամին Նեթանյահուն մերժել է Արդարադատության միջազգային դատարանի եզրակացությունը, որը պահանջում էր դադարեցնել բնակավայրերի գործունեությունը պաղեստինյան տարածքներում։

Այս մասին նա գրել է X սոցիալական ցանցում։

 «Հրեա ժողովուրդը չի նվաճում իր երկիրը՝ ոչ մեր հավերժական մայրաքաղաք Երուսաղեմը, ոչ էլ մեր նախնիների ժառանգությունը Հրեաստանում և Սամարիայում (Արևմտյան ափի` իսրայելական անվանումը)»,- ասել է Նեթանյահուն:

 Նա հավելել է, որ Հաագայի ոչ մի կեղծ որոշում չի խեղաթյուրի այս պատմական ճշմարտությունը։

 Ինչպես ավելի վաղ հայտարարել էր Արդարադատության միջազգային դատարանը, Իսրայելի կողմից պաղեստինյան տարածքների օկուպացիան անեքսիա է:

 Արդարադատության միջազգային դատարանի կարծիքով՝ Պաղեստինում Իսրայելի բնակավայրերի գործունեությունը խախտում է միջազգային իրավունքը։