Հայաստանի և Ադրբեջանի միջև հարաբերությունների կարգավորման գործընթացը դրական ազդեցություն կունենա ամբողջ տարածաշրջանի վրա․ ՄԱԿ

ՄԱԿ գլխավոր քարտուղարի պաշտոնական ներկայացուցիչ Ստեֆան Դյուժարիկը հույս է հայտնել, որ Հայաստանի և Ադրբեջանի միջև հարաբերությունների կարգավորման գործընթացը դրական ազդեցություն կունենա ամբողջ տարածաշրջանի վրա։

«Կարծում եմ՝ Հայաստանի և Ադրբեջանի միջև հարաբերությունների կարգավորումը և մի շարք երկկողմ հարցերի լուծումը չափազանց դրական ազդեցություն կունենա ոչ միայն այդ երկրների, այլև ամբողջ տարածաշրջանի վրա»,-ասել է ՄԱԿ-ի գլխավոր քարտուղարի ներկայացուցիչը։

Այս մասին նա խոսել է՝ անդրադառնալով Վաշինգտոնում Հայաստանի և Ադրբեջանի արտաքին գործերի նախարարների հանդիպմանը։