Եվրոպայում ԱՄՆ-ի բազաները բարձր պատրաստականության են բերվել. հայտնի է պատճառը
Եվրոպայում ԱՄՆ ռազմակայանները բարձր պատրաստության վիճակի են բերվել այն բանից հետո, երբ տեղեկություններ են ստացել «Ռուսաստանի կողմից աջակցվող դերակատարների» կողմից ԱՄՆ ռազմական անձնակազմի և օբյեկտների դեմ ենթադրյալ դիվերսիոն հարձակումների մասին: Այս մասին հայտնում է CNN-ը՝ վկայակոչելով մի քանի աղբյուրներ։
Անվտանգությունը ուժեղացվել է անցյալ շաբաթ՝ 10 տարվա մեջ առաջին անգամ։ Ըստ ԱՄՆ հետախուզության տվյալների՝ Ռուսաստանը, իբր, ներառել է ամերիկյան բազաները և ռազմական անձնակազմը՝ որպես վստահված անձանց կողմից հարձակումների տարբերակներ:
Հեռուստաալիքը նաև մեջբերում է «ՆԱՏՕ-ի բարձրաստիճան պաշտոնյայի» խոսքերը, որ դաշինքը զգալիորեն մեծացրել է հետախուզական տվյալների փոխանակումը Եվրոպայում «Ռուսաստանի քողարկված դիվերսիոն արշավի» մասին, որն իբր «արևմուտքում ընտրությունների ֆոնին դառնում է ավելի լկտի և ագրեսիվ»։ Նրա կարծիքով՝ սա մեծ հնարավորություն է Ռուսաստանի համար՝ փորձելու խաթարել Ուկրաինային տրամադրվող հանրային աջակցությունը։
