Կիրակի օրը՝ հուլիսի 7-ին, ֆրանսիացիները քվեարկում են խորհրդարանական ընտրությունների երկրորդ փուլում։ Ֆրանսիայի ներքին գործերի նախարարության տվյալներով՝ ժամը 12:00-ին ընտրողների մասնակցությունը կազմել է 26,63%, ինչը ռեկորդային է 1981 թվականից ի վեր: Ֆրանսիացիները պետք է ընտրեն Ազգային ժողովի 577 պատգամավորներից 501-ին։ Առաջին փուլում ընտրվել է 76 խորհրդարանական։

Այս արտահերթ խորհրդարանական ընտրություններում մինչև կեսօր քվեարկել էր բոլոր գրանցված ընտրողների 26,23%-ը։ Սա խորհրդարանական ընտրություններին ամենաբարձր մասնակցությունն է 1981 թվականից ի վեր, ժամը 12-ի դրությամբ, երբ Ֆրանսիայում ձախ ուժերը իշխանության եկան, նշում է AFP-ն։

Նախագահ Էմանուել Մակրոնը քվեարկել է իր կնոջ՝ Բրիջիթի հետ կեսօրին Ֆրանսիայի հյուսիսում գտնվող ծովափնյա Լե Տուկե քաղաքում: