Հայտնի են Բայդենին փոխարինելու երկու գլխավոր թեկնածուները

ԱՄՆ դեմոկրատական կուսակցության հովանավորները Միչիգանի նահանգապետ Գրետխեն Ուիթմերը և Կալիֆորնիայի նահանգապետ Գևին Նյուսոմին համարել են նախագահական մրցավազքում բանավեճը տապալած ԱՄՆ նախագահ Ջո Բայդենին փոխարինելու նախընտրելի թեկնածուներ: Այս մասին հայտնում է Financial Times թերթը։

«Դեմոկրատական կուսակցության գլխավոր հովանավորները Գրետխեն Ուիթմերին եւ Գևին Նյուսոմին իրենց նախընտրած թեկնածուներն են անվանել», - ասված է հրատարակության հաղորդագրության մեջ:

Ըստ դեմոկրատների անանուն հովանավորի, Բայդենը «դատապարտված է», և կուսակցությունը պետք է «իր ամբողջ ուշադրությունը կենտրոնացնի այն բանի վրա, թե ինչ է սպասվում»:

Ինչպես նշում Է Financial Times-ը, դեմոկրատների դոնորները նախկինի պես մտահոգված են Բայդենի վիճակով և դրա արդյունքներով՝ անցյալ շաբաթ նրա հակառակորդ Դոնալդ Թրամփի հետ ձախողված բանավեճից հետո:

Միևնույն ժամանակ, ԱՄՆ փոխնախագահ Քամալա Հարիսը նույնպես այն թեկնածուների թվում է, որոնք, ըստ հովանավորների, կարող են փոխարինել Բայդենին:

Մինչ այդ վավերագրական ֆիլմերի ամերիկացի պրոդյուսեր և դեմոկրատական կուսակցության հովանավոր Աբիգեյլ Դիսնեյը հրաժարվել էր նվիրատվություն կատարել դեմոկրատներին, քանի դեռ ԱՄՆ նախագահ Ջո Բայդենը դուրս չի եկել նախագահական մրցապայքարից:

Ավելի վաղ հաղորդվել էր, որ ԱՄՆ-ում դեմոկրատները քննարկում են Բայդենին փոխարինելու ոչ թե հնարավորությունը, այլ միջոցը: