Ամերիկացի լրագրողը, որը հարցազրույց էր վերցրել Պուտինից, հայտարարել Է Զելենսկու հետ հարցազրույցի մասին
Ամերիկացի լրագրող Թաքեր Կառլսոնը հայտարարել է Ուկրաինայի նախագահ Վլադիմիր Զելենսկու հետ հարցազրույցի մասին: Այս մասին Կարլսոնը գրել է X սոցցանցի իր էջում։
«Վերջաբանն այն է, որ ամերիկացիներին շատ անհրաժեշտ տեղեկատվություն փոխանցվի հակամարտության մասին, որն ամբողջությամբ փոխում է իրենց երկրի դիրքն աշխարհում։ Մենք հույս ունենք, որ դա տեղի կունենա մոտ ժամանակներս», - հայտնել է լրագրողը։
Փետրվարին Կարլսոնը հարցազրույց է վերցրել Վլադիմիր Պուտինից։ Դրա տևողությունը կազմել է 2 ժամ 6 րոպե։ Ռուսաստանի նախագահի և ամերիկացի լրագրողի զրույցի տեսագրությունն ամբողջ աշխարհում ավելի քան մեկ միլիարդ դիտում է հավաքել:
Ինքը՝ ՌԴ նախագահը, խոսելով այդ հարցազրույցի ժողովրդականության մասին, պարզաբանել է, որ աշխարհում ցանկանում են այլընտրանքային տեսակետ իմանալ։
Դրանից հետո Կառլսոնի թիմը բազմիցս փորձել է հարցազրույց կազմակերպել Զելենսկու հետ, սակայն, ըստ լրագրողի, Ուկրաինայի նախագահն անտեսել է նրա բոլոր հարցումները։
